كلام ،
صباحكم ورد ، وجمعه مباركة
بعض التجديد طرأ على هالحبيبة وحبيت اتكلم عنه
قبل ما افتح المدونة كان في الدمجه كلام كثير ، كنت اظن اني اقدر اعبر عنه او اكتب ، وما كنت وقتها صديق حميم للقلم ولا كنت ابي اكتب بمنتديات فما جربت الكتابة قبل ما افتح المدونة ، وبعد مافتحتها وجيت انقل مافي البال للمدونة لقيت المهمة صعبه حبتين 
، وبدت وسوسة اغلاق المدونه تطن براسي ، لكن شفت هالاقبال عليها ماشاء الله وقلت على الاقل اخليهم ان مالقوا عندي شي ادلهم على اللي عندهم شي
القائمة الجديدة اللي اضفتها هي قائمة "ادعمها" وفيها مواقع تستحق التحية والشكر والتشجيع ..
ايضاً قائمة هيك وهيك وهي هيك وهي يعني <- لاياشيخ!
والاضافة الجديدة للمدونه هي "متّع سمعك" صفحة فيها مجموعة من الاناشيد اللي اعجبتني ، وبالمناسبة اغلبها ع المود الحزين يعني اللي مفرفش لايتعب اتصاله بالتحميل صاير تناقض بين النك نيم ومود الاناشيد ههههه ، وبإذن الله بتكون الصفحة محدثة باستمرار
دمتم تمام
1 أغسطس 2008 في الساعة 10:52 ص
ما شا الله حلو ..
اغلبهن من المفضلات عندي ..
- ليت الزمن من انشاد عمر يوسف “فرقة صدى الخليج” ، كلمات عبدالرحمن ثامر .
- غريبة الليالي انشاد مصعب المقرن و كلمات أسامة الخثلان .
جزاك الله خير ، و جمعة مباركة ..
1 أغسطس 2008 في الساعة 11:36 ص
صبحك بالخير، أعجبتني الوسوسة الله لا يبارك في الوسواس..
عسى بس ما تكون صفحتي هيك وهيك..
تحياتي
1 أغسطس 2008 في الساعة 12:21 م
.. جميل : )
اضافه رائعه الـ
، حملتها كلها : ) حتى لو انها مود حزين .. احياناً يصير سوقه ماشي 
!
بالنتظار تحديثها
، ليت لها RSS 
1 أغسطس 2008 في الساعة 1:55 م
ذات الشمم:
حياك الله ..
وان شاء الله بأضيف الاسماء اذا حدثت الصفحه
والله يجزا الجميع خير
- – -
مازن الرمال:
هلا فيك مازن .. اسعدتني شوفة اسمك هنا
وصفحتك ماشاء الله مميزه بمحتواها وصاحبها
حياك يا مازن
- – -
ام جنى:
الله يبعد عنا وعنكم الحزن
والـ RSS دورت طريقة انشاءها بس يبي لها شغل برمجة وحوسه .. وانا ان حدثت ان شاء الله بابيّن في اي تدوينه وقت التحديث
عافاك ربي
1 أغسطس 2008 في الساعة 4:36 م
اضـــافات حــــلوه ..
وجعل هالدمـــجه السعــاده
1 أغسطس 2008 في الساعة 10:48 م
مساءك فل وياسمين
- سيصبح صديقك الحميم حينها ،،
-
الكلام اللي يطلع من القلب يوصل للقلب بسرعة
فلما تجي تكتب لا تحتار ، تخيل انك قاعد تحاكي نفسك
والقلم -الكيبورد
-
الإضافات جداً جميلة ،
أحببت “متع سمعك” و “ادعمها” كثيراً ..
-
لنرى المزيـد ..
2 أغسطس 2008 في الساعة 2:16 ص
الدمجه >> اتحدى اذا فيه أحد فهمها من أول قراءه
.. هذا اذا فيه أحد فهمها أصلاً 
!
عساك ع القوّه يالخو
..
2 أغسطس 2008 في الساعة 4:06 ص
وشدعوى
لاتصير مستحي مني
[[ القائمة الجديدة اللي اضفتها هي قائمة "ادعمها" وفيها مواقع تستحق التحية والشكر والتشجيع .. ]]
الصراحه جاز لي منهن موقع قيّم .. وخاصه قسم المطاعم
صايرن قبل ماأطلع اتعشى .. ادخل عليه وأشوف وش يمدحون
بدل ماأروح مطعم ويطلع مخيس
وعلى صفحة الاناشيد .. الصراحه فيه كم انشوده جازت لي بالحيل
كل التوفيق ابوديحم
2 أغسطس 2008 في الساعة 4:55 ص
صباح الخير ؛
حلوة التغييرات الجديدة يا عبد الرحمن ..
يلا باخذ فرّة على الأناشيد ,
..
يمكن تعجبنا وحدة
.
.
2 أغسطس 2008 في الساعة 5:02 ص
مرحباً ..
..
الله يبعد عنك فكرة اغلاق المدونة :d وَ صفحة الأناشيد راائعه ؛ فكرةً وَ إحتواءً
وطبعاً مودها ثاني .. الأناشيد الحزينة هادئه ..
وَ بالمقابل الأناشيد الهادئه تعدّل المزاج
شكراً جزيلاً ؛ سـ نظل متواجدين في الصفحة إنتظار التحديث
2 أغسطس 2008 في الساعة 9:11 ص
موسعن صدره ..
أعجبتني إضافتك ..
يفترض أن نقدم لكل قاريء وزائر لمدوناتنا ما يفيد ويثري الفكر .، بالإضافة لذلك والأهم مسئوليتنا امام الله عن كل حرف نكتبه .، والدال على الخير كفاعله .، فاحتسب الأجر لكل ما تدل عليه من خير .،
أعانك الله على طاعته وعبادته ..
شكراً لك
2 أغسطس 2008 في الساعة 11:51 ص
الله الله
))
تحديثات خطيرة يابوداحم
الاناشيد جاري الاستماع لها اصلا اللي يقعد بهالديرة غصب يصير موده حزين (( انتبه بس
ماقصرت والله يجزاك خير يابعدي
وكثر لنا من هـ الحركات الحلوة
على فكرة .. لاعاد تجيب طاري تقفيل المدونة ترى تنجلد
2 أغسطس 2008 في الساعة 9:03 م
تجديد حلو .. و مدونة رائعة .. صح مو شرط تكتب شي .. حتى لو تدلنا على اشياء طيبة و مفيدة و تكتب رايك الشخصي فيها .. هذا احسن شي بالنسبة لي… و اهم شي يكون خير .. لأن الدال عالخير كفاعله :-)
بالتوفيق
3 أغسطس 2008 في الساعة 12:27 ص
الله يجازي من طيحتني بالاناشيد خير
كنت قبل أفكر كلهن موب حلوات
بس يا في انشودة
مع الله في القلب لما انكسر
أنصحكم فيها لا صرتو حزنانين
وشكرا ً يا خيو عبدالرحمن موسع باخذ لي فرة ع الاناشيد ..
4 أغسطس 2008 في الساعة 1:35 ص
احساسي :
الله يحلي ايامك ويسعد دميجتك يارب
شكراً لك
- – -
ديلارا :
لو باكتب كل مايطلع من القلب كان كل يوم موضوعين هنا، لكن احرص اكثر يكون الموضوع مختصر مفيد منسق وهذي اللي عيت تطلع معي زي الناس
شاكر لك حضورك
4 أغسطس 2008 في الساعة 1:38 ص
نوف:
ههههههه تهقين اجل محد فهم .. الدمجه يا عرب هي الراس
الله يقويك وشكراً لك
- – -
طويلان:
ههههههههههههههههههههههههههه الله يسعدك وبس
وموقع قيّم فكرته حلوه ماشاء الله وجهود الاعضاء فيه اكثر من منتازه .. الله يقويهم
شكرن ليكا
4 أغسطس 2008 في الساعة 1:40 ص
الاخيلية:
تحلى سنينك ياخيتي
وان شاء الله تنال اعجابك هالمجموعه
شكراً
- – -
فيّ:
حياك الله
شكراً ع الاطراء يافي .. والاناشيد الحزينه منفتن فيها .. لو مايجي منها الا انها تصد بالواحد عن الاغاني
الشكر لك على حضورك
4 أغسطس 2008 في الساعة 1:45 ص
ندى الفجر:
بالفعل مثل ماتفضلتي ،، مع زحمة الكلام واليوميات يغفل الكثير عن نشر المفيد والباقي للآخره
اعان الله الجميع .. وشكراً لوجودك ياندى
- – -
يوسف :
انت الخطير والله يابو يعقوب
هههههههههههههههههههههههههههههههه منتاب سهل يالفغنسي خخخخخ
الله يجزا الجميع الخير
جعلي ماخلا من هالوجه قل آمين
4 أغسطس 2008 في الساعة 1:49 ص
غير:
تسلمين اختي وشكراً على اطراءك
ومثل ماتفضلتي به هو اللي جا على بالي وخلاني اسوي هالاضافات : )
شكراً لوجودك يا آنسه
- – -
هذيان :
والله يافيه اناشيد انها تفحط على الاغاني بالخامس ههههههه ادري مافهمتي شي بس يعني انها افضل بكثير من الاغاني
والشكر لك يا ستي بس ليتك كملتي جميلك وسدحتي رابط للنشيد
4 أغسطس 2008 في الساعة 6:18 ص
ماشاء الله
تطويرات جميلة وخصوصاً الأناشيد ….
دمت بعافية
4 أغسطس 2008 في الساعة 10:00 ص
والله لو عندي الرابط يا وسع سدحته
بس شسمه هيا لبنت حطت لي اياها علا فلاشي عرفت
بس أتوقع اللي ينشدها اسم عايلته العزاوي .. نسيت الاسم الاول
اسمها مع الله
7 أغسطس 2008 في الساعة 6:10 م
::
الحين أنا من شفت عنوان التدوينه ((كلام )) الصراحه توسع صدري ههههههه
وقلت بس هذا جاي يمدح في مدونتي ويشد على أزري
ولما قريت التدوينة لقيتها تتكلم عنك وعن مدونتك الموقرة ..أنا أطالبك بالتعويض الماااااادي
طبعا أمزح ..
تطويرات جديدة وجميلة في المدونة بالتوفيق ..,
8 أغسطس 2008 في الساعة 4:46 ص
خل عنك الوساوس واستمر
عطاء أكثر من رائع
13 أغسطس 2008 في الساعة 5:20 م
اضافة للمفضلة .. كثر منهم لا هنت
وجزاك الله خير