AbuNawaf – Logo
مساء الخيرات
تصميم جديد بستايل التيبو غراف ، الستايل هذا في التصميم يعتمد على النصوص او الخطوط سواء العربية او الانجليزية بتركيبها او بالرسم بها ، بحيث تكون الخطوط او النصوص هي العنصر الاساسي في التصميم ، الستايل جميل جداً .. واللي عنده خلفيه بالتصميم ممتع انه يجرب نفسه فيه
التصميم هذا رسمت فيه شعار شبكة ابو نواف بحروف الشبكة (a,b,u,n,w,f) تجربة أولى لي بهالستايل في التصميم ، مافيه صعوبه بالتطبيق لكن ياخذ وقت طويل جداً ويبي له طولة بال
كليك ع الصورة
لمشاهدة تصاميم بستايل التيبو غراف
جاني اكثر من تنبيه بخصوص بنر المدونه وأنه غير ظاهر ،، اولاً شكراً على تنبيهكم 
وثانياً البنر هو كذا ،، انا صممته وحطيت علامة الاكس .. العلامة هذي تظهر بالمتصفح اذا كانت الصورة غير موجودة بالخدمة مؤقتاً او نهائياً ، وانا كنت بأغيّر هيدر المدونه وكنت ابي اطلع بفكرة ولا طلع معي شي وقلت احط هالاكس بما ان الافكار غير موجودة بالخدمه مؤقتاً .. الهيدر ممكن يكون سقيم مثل ما قال فهد هههههه لكن ما اخفيكم انه من نوادر شغلي اللي طلع من الفوتوشوب وانا راضي عنه
وبس
20 يوليو 2008 في الساعة 3:00 م
روعة ماشالله. أنت انسان منتب صاحي!
هل فيه محاولات لتطبيق شي مشابه بحروف عربية؟
20 يوليو 2008 في الساعة 4:05 م
تسلم الله يرضى عليك
بالنسبة لي هذي اول محاولة وما فيه غيرها .. لكن فيه تصاميم بحروف عربية في الرابط اللي حطيته تحت التصميم
20 يوليو 2008 في الساعة 5:17 م
ههههههههههههه تصدق اني بلشت بـ حركتك ذي
يخوي المفروض انك حاط تنبيه لـ اللي مثلي
بالنسبه للتصميم انت خابرن ان مالي خبره
بس تقل حركته جازت لي
يعطيك العافيه ابوديحم
20 يوليو 2008 في الساعة 5:44 م
روعـــــــــــــــــــه
ابداع والله .. ودخلت ع صفحتك وشفت تصاميمك
وتصوريك ..
اعجبتني .. دايم ادور بهالموقع واحوس فيه .. مرررره يعجبني
انا اطقطق شوي بالتصميم .. بس وين القى ستايل التيبو غراف فيه ؟؟
مــــــوفق
20 يوليو 2008 في الساعة 5:49 م
اقصد الادوات اللي تساعد في التصميم هذا ..
20 يوليو 2008 في الساعة 9:48 م
ابداع ماشاءالله عليك ..
21 يوليو 2008 في الساعة 12:37 ص
ابو طويله :
ههههههههههه ياحبي لك بس ، بينك وبين الفهاوه علاقه حميمه ،، مثلي تماما
يعافيك ربي يابو حمد
- – -
احساسي:
تسلمين ومن ذوقك
بالنسبه لهالستايل من التصميم ماله ادوات ،، يعتمد على الخطوط بس .. طبعاً مع الاضافات الجماليه عليها من فرش وفلاتر وغيره .. يعني ماله فرش معينه او اكشنز معين ،،
- – -
فتون:
يخليك ربي ،، من ذوقك
21 يوليو 2008 في الساعة 1:28 ص
ووه يا قردي !!! شويه طولة بال
..
مره حلو ما شاء الله .. بس ما أبي اجرب
!!
22 يوليو 2008 في الساعة 3:32 ص
تحلى سنينك يا نوف
هههههه جربي وخليها على شوي شوي لما تنجزينه كامل .. نتايجها قدن قميله ترى
23 يوليو 2008 في الساعة 2:11 ص
شكل البرنامج ممتع ..
يبغا لنا تجربة !
أما عن البنر ؛ أول مرة شكيت بالمتصفح عندي ..
ثاني مرة قلت لأ .. المشكلة من مدونتك ..
بعدين قلت يمكن انها حركة :d
بالتوفيق : )
24 يوليو 2008 في الساعة 7:23 ص
شغل نظيف و مرتب و الله ..
ودنا لو تكمل معه ؛ و نشوف منك أكثر و أكثر ..
25 يوليو 2008 في الساعة 3:32 ص
فيّ :
جربي وورينا نتايجك
والله يوفق الجميع ..
- – -
برآري :
تسلمين اختي ، وان شاء الله بأحاول اطلع بشي جديد
وانتي بعد جربي .. متأكد بيطلع منك شي خرافي
11 أغسطس 2008 في الساعة 8:24 ص
التصميم مرا عجبني ..
ودخلت شفت تصاميمك الباقيه .. ويازينه حمودي
21 ديسمبر 2008 في الساعة 8:44 ص
[...] جهوده في هالتقرير ؛ لكن ليته كمل جميله واسأذن بإستخدام تصميمي على غلاف المجلة وفي صفحات التقرير ؛ لأني تفاجت بوجود [...]
30 ديسمبر 2008 في الساعة 3:44 م
:
تأكيد ع أحقية التصميم