مريارات :D
السلام عليكم
حياكم الله جميع
الاسبوع هذا الحمدلله كان حافل بالأشياء اللي وش زينها و اسعدتني جداً
من الاجتماع مع الغالين على ألبي جداً جداً جـــــــــــداً مهند 
و يوسف وتركي يوم الاحد لـ إختبار المحاسبة اللي بدّعت فيه يوم الاثنين بعد المغرب للأجواء الحلوة والماطرة يومي الثلاثاء والاربعاء
الله يديم هالسعاده على قلبي وقلوبكم
عندي صور بجهازي مبطي مصورها وتاركها .. اليوم قمت اعدل عليها على خفيف وبعضها معدلها مبطي وتاركها
الزبدة اني قلت بدل ما تنركّ بجهازي أحطها بالمدونة يمكن تجوز لكم مع اني ماهقيت 
بس عن قولة اني ماسحبت على المدونة
كل الصور مصوّرها بالمزرعة ماعدا صورة السيارات الشاخطة مصوّرها من المطل في الزلفي والكام Canon 400D
| 
| 
| 
برايفت يوسف وتركي : اذكروا الله لاتنظلون راعي المريارات 
دمتم بـ سعادة 
9 أبريل 2008 في الساعة 6:18 م
مبارك عليك الاجازه
!
~
وعسى ايامك الجايه احلى ايام
التصوير حلوو والزوايا برضو حلوين , حبيت اكثر شي اخر وحده اللي مسميها ليل
موفق ~
10 أبريل 2008 في الساعة 3:39 م
وعليكم السلام والرحمه
هلا والله ابو داحم
اي والله انها جمعةٍ طيبة وان شاءالله تتكرر على طوول
طلعت الفضايح 
وراك ياحول شابن على راعي المريارات
نسيت سالفة عيونك
المهم .. تصويرك بططططططل
خقيت مع الصورة الاولى .. من جد روعه
حتى صورة مطل الزلفي خققآن
وباقي الصور ابداااع ماشاءالله عليك
تروح وترجع بالسلامه يابعدي
وان شاءالله كل ايامك افراح وسعادة
11 أبريل 2008 في الساعة 3:14 ص
الله يجزاك خير انك حطيته لنا
بما ان مالي خبرهـ بـ التصوير
بس ماأخفيك ان الصور جازتلي
يعطيك الف عافيه
دمت موسعن
11 أبريل 2008 في الساعة 7:44 م
كل أيامك حلوة يارب ،
الأسبوع اللي راح كان زفت بالنسبة لي ابتداء من الويك اند وانتهاء بيوم الثلاثاء
يوم الأربعاء انقلب كل شي والسبة الجو .
الظاهر لو اعيش بلندن بصير مبسوطة
/
الصورة حلوة ماشاء الله وخصوصا الأولى ، عجبتني المساحة اللي فيها ..
وصورة النافورة اللي وراها شاحنه ..
حلوة لكن تمنيتها بتون ثاني ..
موفق يارب ..
12 أبريل 2008 في الساعة 2:37 ص
مساء-صباح الخير…
أنا لقيت مدونة Distinct في موقع خيال…
واستغربت لأني أعرف انه نك نيم ثاني لك…
ودخلت وما قدرت أمنع نفسي من الرد على هالصور…
ما شا الله التصوير حلو والإخراج بعد حلو…
وأنا سرحت مع الصوره الثالثه…
ذكرتني بمزرعتنا في الديره…
كانت أمنيتي إننا نروح هالأسبوع…
بس يلا… ورانا 4 شهور…بشبع في المزرعه والوادي والديره كلها…
والله أحسن مكان يقعد فيه الواحد…
بعيد عن الناس…بعيد عن [ضوضاء وزحمة المدينة]…
تقبل مروري السريع…
وتحياT
.^FaNcY FaCe^.
14 أبريل 2008 في الساعة 11:48 م
ما شاء الله ما شاء الله
الله يدوم السعادة والوناسه ووساعة الصدر يارب
..
خقق الصورة حقت الطريق مدري الكوبري مدري وش اسمه
الزبدة الصورة اللي تحت الصيارة
مدري بس تدخلك جو
والصورة اللي ع اليمين اللي تحت تذكرني بصورة في كتاب الجغرافيا حق سادس مدري خامس .. عن الزراعه بالمملكة والأدوات المتطورة التي يرشون به الزرعو
فوتك بعافيه وياخي لا تطول واجد
16 أبريل 2008 في الساعة 7:41 م
DeedEe ~
الله يبارك بأيامك ياديدي
وتحلى أيامك وسنينك يارب
شاكر لك وجودك والله يوفق الجميع يارب
يوسف
هلا ومرحبا بالغالي
هههههههههههههههه يارجال مثل ماقلت لكم الإنحراف انحراف البصيرة مهوب انحراف البصر
وتسلم يابعدي من ذوقك . وهذا بعض ماعندك
الله يسلمك من كل شر
لاعدمت هالطلة يابومحمد
16 أبريل 2008 في الساعة 7:42 م
طويلان
واياك يالغالي
وتسلم والله شي يسعدني انها تجوز لك
الله يعافيك يا خلفهم .. ماننحرمشي
domo3
< – ماتعوق معه
وايامك يارب
الله يكون بعونك .. يابنت الحلال من يقرا مواقفك مع حقين التوعية بكليتك يعاف الدنيا كلها .. لو اني مكانك سحبت ملفي
وتسلمين كلك ذوق .. والصورة اللي تقولين لا فيها نافورة ولا فيها شاحنة الله يقدي لك بشوفك ههههههه
هذي صورة الرشاش اللي يرش الزرع واللي وراها جيب شاص مدري اذا تسمونه شاحنه
الزبدة هالصورة قعدت فيها ساعه عجزت احط لها تون زين وخليتها بالالوان العاديه
شاكر لك هالتواجد يانوال .. والله يوفق الجميع
16 أبريل 2008 في الساعة 7:42 م
~ஐFaNcY FaCeஐ~
مساء النور والسرور
ايه مسوي تبادل نصّي مع منتدى خيال
تسلمين اختي هذا من ذوقك ويشرفني والله انه اعجبك هالتصوير المتواضع
وصدقتي الواحد هناك ينسى الدنيا وغثاها .. خصوصاً مع زقزقة العصافير بعد الفجر
يعطيك العافيه وشاكر لك هالتواجد
هذيان
ويديمها عليك وعلى من يقرا يارب
وتسلمين والله كلك ذوق
تذكرني بصورة في كتاب الجغرافيا
ههههههههههههههههههههههههه
ههههههههههههههههههههههههههه
هههههههههههه اي والله صدقتي .. قريت كلامك وعلى طول جت ببالي ذيك الصور
الله يعافيك يا ستي .. وتعالي دايم
17 أبريل 2008 في الساعة 3:28 م
أهلاً .. : )
يآ رب دآئِماً ” موّسع صدرك ” :d
وتبآرك الله الصور جداً رائِعه ..
الصورة الأخيرة ؛ حكآية ثآآآنية ..
دايم صوّر لنا : ) ..
بالتوفيق دائِماً ! : d
17 أبريل 2008 في الساعة 8:09 م
واو !!
) ،،
،، ( لازم يخرب المدح :P ) ،،
،،
،،
الجيب تحت رشاش الماي والبانورامية شي :O ،،
والصورة الليلية خرافة ،، الشتر كم ؟
ليتك بس خففت الآيزو ،، النويز صاير كثير ،، ( واو جمعت علوم التصوير بهالسطرين
الباقين روعة ،، بس تمنيتك تشبع الألوان فيهن
طبعاً مالي حق بالنقد ،، بس توي شاري Canon 40D ،، فحبيت أزعط عليك
شقراً خالي عبد الرحمن
18 أبريل 2008 في الساعة 3:12 ص
,
وعليكم السلامـ ..,
ياحظكم يالشباب فالينهآاا على سنجة عشرة ^^
عسى دوم هالفرحـــه
::
+ لـيـن +
18 أبريل 2008 في الساعة 4:28 ص
أعجبتني الصور..
خصوصاً صورة الشخاص من خلف الماء
جرب تسويها من جديد و تخلي سرعة الغالق بطيئة و فتحت العدسة صغيرة ..
أتوقع تطلع جنان..
<<<لا يكثر
دمت مبدع
18 أبريل 2008 في الساعة 2:06 م
ربي يديم عليك السعادة .. يا أخوي موسعن صدره ..
الصورة الثانية راقت لي كثير ..
سعيدة لزيارتي الاولى لمدونتك ..
ربي يحفظك ..
18 أبريل 2008 في الساعة 4:10 م
فـيّ
واياك يارب
وهذا بعض ماعندك : )
الله يوفق الجميع وشاكر لك هالطله
عبدالمجيد
ياهلا بــك
اول شي من ذوقك يابعدي
والليلية الشتر 20 ثانية والايزو 100 بس لإني رفعت الاضاءة شوي بالفوتوشوب سبب هالنويز
وتكسر كامك بالعافيه
ألف شكر على تواجدك ياعبدالمجيد
18 أبريل 2008 في الساعة 4:14 م
L!Na
هلا فيك اختي
وعسى يدوم لك الخير يارب
ألف شكر ع الطله القميله
عبود
تسلم من ذوقك يابو عابد
وان شاء الله بنجرب ونشوف
اسعدني تواجدك ياعبود ، ألف شكر
18 أبريل 2008 في الساعة 4:17 م
ندى الفجر
حياك الله ياندى
ويدوم لك العز والخير يارب
وانا أسعد والله بزيارتك
الله يحفظ الجميع
20 أبريل 2008 في الساعة 2:14 ص
السلام عليكم..
تصويرك شي الصراحة …وكمرتك شيات
والمزرعة كأنها مزرعتنا لولا الجبال اللي وراها,
عجبتني فكرة الشاص اللي ياخذ دُش
الله يديم عليك هالسعاده يا رب ..
تحياتي .
21 أبريل 2008 في الساعة 1:46 ص
كأني فهت بأن المزرعة في الزلفي !
من المؤكد إذا أن الكسر قد حجز قدرا لا بأس به من ذاكرة الـCanon 400D
سأكون أكثر سعادة إذا أتحفتنا بها هنا ..
دمت مصورا بارعا ، أو بارعا مصورا .
21 أبريل 2008 في الساعة 2:45 م
White Rose`
وعليكم السلام ورحمة الله
حياك الله اختي ونوّرتي المدونة : )
من ذوقك يا White Rose` والله يديم السعاده علينا وعليك
ألف شكر
سعد النفيسة
يامرحبا يامرحبا
المزرعة ياخيي في الغاط مهيب في الزلفي .. ومادريت عن الكسر الا عقب مارجعت للرياض .. لو اني داري عنها وانا هناك كان رحت لها .. الزلفي 30 كيلو عن الغاط او ازود شوي
لكن الجايات اكثر والله يجيب الخير
أسعدني تواجدك بمدونتي ياسعد
30 أبريل 2008 في الساعة 6:30 م
ما شاء الله الصور جميلة جدا..
حبيت الصورة الليلية و الطريق المضاء بأنوار السيارات..
صورة الجيب مع الماي رهيبة جدا..
حبيت المزارع الدائرية الي تستخدم أسلوب الري هذا..
أذكر و إحنا رايحين العمرة كنا نشوفها على طول طريق الخرج،،
فكرة ذكية صراحة.!