طريقة سهلة لحفظ القرآن
السلام عليكم
مساءكم خير وبركة
اللي بأتكلم عنه الآن ماتحمست حقيقة اني اكتبه او اتكلم عنه في المدونة الا بعد رسالة شكر شفهية 
وصلتني من اختي ومن بنتها.
كنت اعتمد طريقة في حفظ القرآن ونفعتني كثير وسهّلت علي الحفظ ونتائجها بالنسبة لي ممتازة ، وبما أن بنات اختي في مدارس تحفيظ القرآن كانت تشتكي من صعوبة حفظ وحده منهم .. ومدارس التحفيظ مقرراتهم في الحفظ طويلة ويبي لها متابعة وحفظ بشكل يومي ، وهالبنيّة متبهذلة مع هالحفظ .. مالكم بالطويلة
قلت هالطريقة لاختي والحمدلله كانت النتائج مذهله بالنسبة لها ولبنتها ، تقديرها في الحفظ صار ممتاز وبدون اي غلط ماشاء الله تبارك الله.. وهي العاده تدخل شيئاً من التوراة وبعض السوالف وسط الايات
الطريقة تعتمد على تقسيم الصفحة او الوجه لثلاث او اربع او حتى خمس مقاطع على حسب الحافظ وعمره وسرعته في الحفظ .. طبعاً التقسيم فقط مهوب طريقة فعّالة للحفظ .. بيحفظ القسم الاول والثاني والثالث واذا بدأ في الرابع بيلخبط في الاول وهكذا
طريقتي كانت ان آخر آية في القسم الاول تكون أول آية في القسم الثاني وآخر آية في القسم الثاني تكون أول آية في القسم الثالث ..الخ
طبعاً هالطريقة عشان اربط اقسام الصفحه ببعضها في الحفظ .. كلنا نحفظ سورة الحمد .. احد جرب يقرأها نظر ؟ ممكن يحس ان فيه لخبطه لإنه تعوّد قراءتها حفظاً في كل صلاة وصارت الايات مترابطه ببعضها على لسانه وفي حفظه ولو طمر آيه للآيه اللي بعدها حس انه غلط غير لو أنه يقرأ في سورة اول مره يحفظها .. يمكن يغلط ومايحس .. شكلي ماعرفت اوصّل اللي ابي لكن الزبدة .. بتكون آخر آية في الجزء هي حلقة الوصل مع الجزء اللي يليها وفي تلاوتها حفظاً بيكون متعوّد عليها اللسان والعقل وبتسلك معه < بدت العربجة
هذي صورة للطريقة قسّمت فيها الصفحة لثلاث اقسام وهي مناسبة للأشخاص مابين ١٣ – ٢٦ سنة > بدا يتفلسف .. امزح لاتصدقون ..الجزء الاول المحدد بالأزرق ( الآية ٤١ ) .. يكرر عشر عشرين ثلاثين مره حتى ينحفظ تماماً بعدها الجزء الثاني المحدد باللون الأخضر ( الآية ٤٥ ) ومثل الاول يكرر حتى يحفظ تماماً ثم طبعاً مراجعة للجزء الاول والثاني ثم يبدأ في الثالث المحدد باللون الأحمر ثم مراجعة للوجه كامل والحفظ بإذن الله بيكون عال العال .. وهالطريقة نفسها بعد للربط بين الأوجه .. آخر آية في الوجه تكون اول آية في الجزء الاول في الوجه التالي.
اتمنى هالطريقة تفيد احدكم ولايحرمني ربي ولا اياكم الأجر
سلام عليكم
10 ديسمبر 2009 في الساعة 4:36 م
السلام عليكم ورحمة الله وبركاته
أهلا بك موسسع .. طريقة حلوة ربي يجزاك خير .. كنت اعتمد طريقة ثانيه بالحفظ بس بجرب هذه وأشوف نتائجها
يمكن تكون أسرع وأفضل
ربي يوفقك ويجعلنا من حفاظ كتاب الله ..
بارك الله فيك وجعله ربي في ميزان حسناتك ..
موفق
10 ديسمبر 2009 في الساعة 4:49 م
الله يجزاك خير ع الطريقه
لي طريقه اسويها بس بليس شاد حيله معاي الله يخسه
بجرب طريقتك الله لايحرمك الاجر
11 ديسمبر 2009 في الساعة 1:22 م
ذكرتني بطريقتي .. لازم اقسم الصفحة + إني اتخيل القصص او أربطها بحاجة تسهل لي تذكرها
فكرة حلوة إنك تنشر شي استفدت منه وتحب تساعد غيرك فيه
12 ديسمبر 2009 في الساعة 9:51 م
زهور الحب :
آمين واياك ومن يقرا
ويارب تستفيدين منها
حياك
- – -
حايمتن تسبدها من كل الخطوط السعودية:
ههههههههه للحين حايمه كبدك ؟
آمين الله يجزا الجميع خير .. وادحري الشيطان وانا اخوك تراه ضعيّف
ياهلابك
- – -
ساره :
طريقة تخيل القصص متعبة .. هذي مبسطه واسهل اكثر
الاحلى ردودكم وتشجيعكم الله يرضى عليك
حياك ربي
13 ديسمبر 2009 في الساعة 5:46 م
على العكس
الطريقة واضحة جداً
و بصراحة ما قد سمعت بها
فهي جديدة و ظاهرها فعال أنا متأكدة
خسارة ما عرفناها إلا الآن
لكن إن شاء الله ما فات الفوت
جزاك الله خير
تحياتي
13 ديسمبر 2009 في الساعة 8:19 م
حلوة الطريقة والله
عادتن انا احفظ جزئية وأعيدها واذا حفظت اللي بعدها ارجع اسمعهم سوا وهكذااا
وضحت ولا يبيلي أجيب صورة وأشرح خخخخخ
يعافيك ربي موسع
13 ديسمبر 2009 في الساعة 9:10 م
شكرا لمشاركتك هالطريقة معنا
والحلو إنها أثبتت فعاليتها مع بنت أختك الله يحفظها
جزاك الله كل خير
14 ديسمبر 2009 في الساعة 4:03 ص
وعليكم السلام ورحمة الله وبركاته
الله يجزاك الجنة .. طريقة رائعة
طريقتي في الحفظ كطريقة / شغف ^^
بجرب طريقتك وبرسل الرابط لصديقتي …
يعطيك العافية .
14 ديسمبر 2009 في الساعة 1:11 م
جيت بالوقت المناسب .. من طلعت من التحفيظ ابي اراجعه لكن أعجز !
بس حبيت أزيد معلومه ان شاء الله تفيد الجميع ..
الحفظ بمصحف الملك فهد صعب جداً بالربط بين الوجهين او الاوجهه .. للي يبي يربط بينهم يحفظ بـ ( مصحف غير موجه ) ..
لان مصحف الملك فهد تنتهي الايه عند نهاية الوجه .. والمصحف الغير موجهه تكون نص الايه بوجه وكمالتها بالوجه الثاني وهكذا !
جزاك الله خير ياعبدالرحمن
والله ينفع بك 
15 ديسمبر 2009 في الساعة 11:22 م
طريقة ذكية ..
لكن لا أظن أنني سأتمكن من حفظ القرآن إلا إذا التحقت بجمعية تحفيظية أو شيئ من هذا القبيل..
لأنني عادة ما لا ألتزم في مثل هذه الأمور ..
19 ديسمبر 2009 في الساعة 2:52 ص
ما فهمت ؟؟
19 ديسمبر 2009 في الساعة 12:53 م
فضاء ، شغف ، final ، خربشات انثى ، نبض المشاعر ، سليم ، خلود
حياكم الله والله يجزا الجميع خير.
خلود: ماعرفت وش اللي مافهمتيه بالضبط ؟ .. تقسيم الصفحة لأجزاء .. وكل آخر آية من الجزء تكون هي أول آية من الجزء اللي بعده عشان تترابط الآيات مع بعض ( حفظاً )
20 ديسمبر 2009 في الساعة 7:53 م
الله يجزاك خير
فعلاً انا جربت مثل هالطريقة تثبت الحفظ وتساعد في ربط الآيات بين بعض <~ الربط بين الآيات كنت استصعبه يعني احفظ آية طويلة اسهل لي من آيات قصار ..
يعطيك العافية على توضيح الطريقة
والله يكتب لك الأجر = )
28 ديسمبر 2009 في الساعة 4:27 ص
طريقه رائعه جدا
جزيت خيرا عليها
30 ديسمبر 2009 في الساعة 11:11 م
بصراحة مافهمت بالضبط :d ، (( راح ينتحر الولد خخخ
لكن بالنسبة لي افضل طريقة في الحفظ عموما مو بس القران
اني احفظ الشي مره وحده كامل من دون تجزيء .. وارجع اكرره كامل لحد ما احفظه
لكن اذا كان قران اول قراءه تكون لمعرفة محتوى الايات
ثاني مره اكون بديت اربط كل ايه باللي بعدها واجزأها في مخي حسب القصص ومحتوى الايه
يعني اقول اول شي مدح المؤمنين ثم ذكر صفاتهم , ذم الكفار وذكر صفاتهم , بني اسرائيل ثم عيسى وكذا
ثالث مره يصير حفظت , والمرّه والرابعه ومابعدها اكون اثبت الحفظ ..
بالنسبه لي هذي انجح طريقه ممكن احفظ عليها ..
من كنت بالمدرسه لحد الجامعه وانا ماشيه عليها والحمدلله
طبعا اختلاف الطرق بـ اختلاف الناس اكيد , والله يجزاك خير يارب
كثر لنا من البوستات .. تراها ببلاش (( كففف
4 يناير 2010 في الساعة 11:19 م
:
هلا وغلا
تصدق في البداية مافهمتك
وأعدت أقرأ هالبوست 3 مرات وبعدين طمرت الفكرة براسي وفهمتها
من جد كلامك صح
مثلاً أنا أحفظ صورة الكهف غيب
بس لما أجي أقراها من القرآن استغفر الله أتلخبط
مثلها مثل سورة الملك لأني خلاص حافظتها
الله يجزاك خير ع محاولتك في الشرح
11 يناير 2010 في الساعة 1:56 م
كم مره احاول احفظ البقرة بس أكبر مشكله كان طريقة الربط بين الصفحات لكوني كنت أحفظها كل صفحه على حدة..
راح أجرب هالطريقة بإذن الله
شكراً
18 يناير 2010 في الساعة 6:44 ص
الحمدلله مثل طريقة حفظي ..
حفظ القرآن جميل ..
لكن هل صحيح إنه اللي يحفظه وينساه يعاقب يوم القيامة ..
لآني حافظة القرآن كآمل .. ورآجعته مرة ثآنية
والحين نسيته استغفر الله : (
19 يناير 2010 في الساعة 3:08 ص
حلو ماشالله الله ينفع بك ـ جزاك الله خير بجربه (F)
29 يناير 2010 في الساعة 5:54 ص
ماشاء الله ..طريقتك مرره حلووه وتساعد على الحفظ نوعاً ما تشبه طريقتي
بس ابجرب طريقتك ان شاء الله =)
الله يوفقك و يجزاك خير و ينفع بك
شكرا لك
12 فبراير 2010 في الساعة 3:55 ص
[...] موسعـ(ـن) صدرهـ موسعـ(ـن) صدرهـ « طريقة سهلة لحفظ القرآن [...]
21 فبراير 2010 في الساعة 12:49 ص
طريقة رائعة
وأنا متأكدة بأنا نافعة ومجدية
راح أجربها بإذن الله
والله يجزاك خير
22 فبراير 2010 في الساعة 3:24 ص
تدري قعدت اقرأ البوست كذا مره علشان استوعب بس لما شفت الصوره فهمت
جزاك الله خير طريقتها حلوه وسهله
14 أبريل 2010 في الساعة 11:06 م
الله يجزاك خير
طريقه خطيره بجربها
اعجبتني كثير ,, الله لايحرمك الاجر
18 يونيو 2010 في الساعة 5:13 ص
مشكور اخوي على الموضوع
انا بختبر بعد يوم ومبتلش بالتاريخ قروشه بقروشه كلها عن الظاهر بيبرس وعين ججالوت
وصرآآحه انا مآ آدري من اللي مسوي فكره التاريخ يعني انا بصير دكتور وش بيفيدني التاريخ
يعني صح نقراه ونفهم بس نحفظه مدري وش يحسون فيه قروشه بقروشه
وصراحه بصفتي مستشار مدري وش ونائب رئيس مدري وش القاضي الأعلى في محكمة مدري وش وصاحب شركات مدري وش بن مدري وش ……………….اسلم عليك^_*
12 يوليو 2010 في الساعة 8:39 م
جزاكـ الله كـل خير ..
وكتب لكـ بها الأجـر ..